سرکاری سکولوں کےفنڈزمیں گھپلوں اورجعلی اینرولمنٹ کاانکشاف

لاہور (آئی این پی) سرکاری سکولوں کے فنڈز میں گھپلوں اور جعلی اینرولمنٹ کا انکشاف ہوا ہے۔محکمہ سکول ایجوکیشن نے سکولوں کی انسپکشن کے لئے 40کمیٹیاں تشکیل دیدیں،ضلع لاہورکی انسپکشن کے لئے ایڈیشنل ڈائریکٹرنوید اسلم ،ڈیژنل ڈائریکٹرطلعت محمود اور سیکشن آفیسرفائزہ ارشادشامل ہیں۔مذکورہ کمیٹیاں پیف اور پیما کے سکولوں کابھی معائنہ کریں گی،سکول کونسل،نان سیلری بجٹ،میٹرک رزلٹ اوراساتذو طلباکی تعدادکوچیک کریں گی ۔ ڈی ای اوز وزٹ، صفائی اورخطرناک عمارتوں کاجائزہ بھی لیا جائے گا۔دوران انسپکشن نااہلی ،کرپشن اورجعلی اینرولمنٹ ثابت ہونے پر سخت کارروائی کی جائے گی۔