کسانوں میں گرین ٹریکٹرز کی تقسیم کے سلسلہ میں تقریب کا انعقاد،

اوکاڑہ(وحید انصاری ) اوکاڑہ وزیراعلیٰ پنجاب کے فلیگ شپ پروگرام زیادہ گندم اگاؤ مہم کے تحت مفت کسانوں میں گرین ٹریکٹرز کی تقسیم کے سلسلہ میں تقریب کا انعقاد، صوبائی وزیر زراعت و لائیو سٹاک سید عاشق حسین کرمانی نے قرعہ اندازی میں کامیاب ہونے والے 26 کسانوں میں گرین ٹریکٹرز تقسیم کیے، اس موقع پر ایم پی اے میاں محمد منیر، ایڈیشنل ڈپٹی کمشنر ویڈیو محمد ابراہیم ارباب، لیگی رہنما راؤ محمد اجمل، ڈائیریکٹر زراعت توسیع شہباز اختر، ڈپٹی ڈائریکٹر زراعت محمد اعجاز، سمیت محکمہ زراعت کے افسران اور کسانوں کاشتکاروں کی کثیر تعداد نے شرکت کی، ڈائریکٹر زراعت توسیع ساہیوال شہباز اختر نے کسانوں کاشتکاروں کے لیے شعبہ زراعت کے کسان دوست پالیسیوں بارے تفصیلی بریفنگ دی، ضلع بھر کے 26 خوش نصیب کسانوں کا شتکاروں میں بزریعہ قرعہ اندازی مفت گرین ٹریکٹرز تقسیم کیے گئے، صوبائی وزیر زراعت و لائیو سٹاک نے کہا کہ وزیراعلیٰ پنجاب نے کسانوں کاشتکاروں سے کیا ایک اور وعدہ پورا کر دیا، ای بیلٹنگ کے ذریعے شفاف انداز میں پنجاب بھر کے کسانوں میں مفت ٹریکٹرز تقسیم کیے جا رہے ہیں، وزیراعلیٰ پنجاب مریم نواز شریف زراعت کی ترقی و ترویج کے لیے انقلابی اقدامات کر رہی ہیں، انہوں نے کہا کہ ماضی میں شعبہ زراعت کے لیے مختص 20 سے بڑھا کر موجودہ حکومت نے ریکارڈ 123 ارب روپے مختص کیے گئے ہیں، تاریخ میں پہلی بار 10 ہزار کسانوں میں 10 لاکھ سبسڈی پر گرین ٹریکٹرز تقسیم کیے گئے، کسان کارڈ کے ذریعے کسانوں کو 75 ارب روپے کے بلا سود قرض دیے گئے، ممبر صوبائی اسمبلی میاں محمد منیر نے کہا کہ حکومت کو کسانوں کی گندم نہ خریدنے پر ان کی مشکلات کا احساس ہے، دیگر انقلابی پروگرامز کے ذریعے کسانوں کاشتکاروں کے نقصان کا ازالہ کرنے کے لیے بھرپور اقدامات کیے جا رہے ہیں، انہوں نے کہا کہ کسان و کاشتکار ملک دشمن عناصر کا آلہ کار نہ بنیں، وزیراعلیٰ پنجاب مریم نواز شریف کی قیادت میں کسانوں کاشتکاروں کے تمام مسائل ترجیحی بنیادوں پر حل کیے جائیں گے، کسانوں کاشتکاروں نے مفت ٹریکٹرز کی تقسیم پر وزیراعلیٰ پنجاب مریم نواز شریف کا تہ دل سے شکریہ ادا کیا۔#