لاہور :ایس ڈی او مانگا فہد رانا فیلڈ میں متحرک ، بلا تعطل بجلی فراہمی کے لیے کوشاں
لاہور / مانگا منڈی (آئی این پی / حکیم فریاد افضل رانا ) مانگا منڈی میں ایکسئین رائےونڈ کی زیر نگرانی مانگا منڈی سب ڈویژن کے ایس ڈی او فہد رانا اور ان کی ٹیم مون سون کی موسلادھار بارشوں کے دوران عوامی مشکلات کو دور کرنے کے لیے فیلڈ میں موجود ہیں اور بلا تعطل بجلی کی فراہمی کے لیے کوشاں ہیں۔شدید بارشوں کے دوران علاقے میں بجلی کی فراہمی میں کسی قسم کی رکاوٹ نہ آنے دینے کے لئے ایس ڈی او فہد رانا اور ان کی ٹیم نے مسلسل فیلڈ میں رہتے ہوئے کام کیا۔ انہوں نے مختلف مقامات پر بجلی کی لائنوں اور ٹرانسفارمروں کی نگرانی کی تاکہ کسی بھی ممکنہ خرابی کو بروقت ٹھیک کیا جا سکے۔علاقے کے عوام، تاجر تنظیموں اور سیاسی و سماجی شخصیات نے لیسکو ٹیم کی اس محنت اور جانفشانی کو خراج تحسین پیش کیا۔ تاجرتنظیموں کے نمائندوں نے کہا کہ موسلادھار بارشوں کے دوران بجلی کی بلا تعطل فراہمی سے کاروباری سرگرمیاں جاری رکھنے میں مدد ملی اور کاروبار کو نقصان سے بچایا گیا۔شہریوں نے کہا کہ ایس ڈی او فہد رانا اور ان کی ٹیم نے جس طرح سے کام کیا ہے، اس سے عوام کو بڑی سہولت ملی ہے۔ انہوں نے کہا کہ مانگا منڈی سب ڈویژن کی ٹیم نے نہ صرف اپنی ذمہ داریوں کو بخوبی نبھایا بلکہ عوامی خدمت کا اعلیٰ نمونہ بھی پیش کیا۔سیاسی و سماجی شخصیات نے بھی لیسکو ٹیم کی تعریف کرتے ہوئے کہا کہ ان کے بروقت اور مؤثر اقدامات کی وجہ سے علاقے میں بجلی کی فراہمی میں کوئی خلل نہیں آیا اور لوگوں کو کسی قسم کی مشکلات کا سامنا نہیں کرنا پڑا۔ انہوں نے امید ظاہر کی کہ مستقبل میں بھی ایسی ہی محنت اور جانفشانی کے ساتھ عوام کی خدمت کی جائے گی۔مانگا منڈی میں بارشوں کے دوران بجلی کی بلا تعطل فراہمی کے لئے لیسکو ٹیم کی کوششوں نے عوام کا دل جیت لیا ہے اور ان کی محنت و جانفشانی کو سراہا گیا ہے۔ اس موقع پر شہریوں نے کہا کہ ایسے اقدامات سے عوام کا حکومتی اداروں پر اعتماد بڑھتا ہے اور امید ظاہر کی کہ مستقبل میں بھی ایسی خدمات فراہم کی جائیں گی۔
