عید الاضحی عظیم فرمانبرداری کی عظیم یاد دلاتی ہے:جمیل احمد کوکب

بچیکی (سہیل افضل سے )عید الاضحی کا عظیم دن ہمیں حضرت ابراہیم کے جذبہ قربانی اور حضرت اسماعیل کی عظیم فرمانبرداری کی عظیم یاد دلاتا ہے ان خیالات کا اظہار معروف عالم دین حضرت علامہ صاحبزادہ جمیل احمد کوکب سیالوی صاحب نے اپنے ایک بیان میں کیا انہوں نے فرمایا کہ عید الاضحی کے موقع پر ہمیں سنت ابراہیمی کے مطابق جانوروں کو قربان کرنا چاہیے اور گوشت ضرورت مندوں اور مساکین کو تلاش کر کے ان تک پہنچانا چاہیے تاکہ معاشرے کے تمام طبقات عید کی خوشیوں میں شامل ہو سکیں انہوں نے مزید فرمایا عید الاضحی کے موقع پر صرف جانور قربان کر دینا ہی کافی نہیں بلکہ یہ دن ہمیں احساس دلاتا ہے کہ اللہ کی رضا کی خاطر میں اپنی پیاری چیزوں کو قربان کرنے سے دریغ نہیں کرنا چاہیے انہوں نے فرمایا کہ قربانی کا یہ جذبہ سارا سال ہونا چاہیے ہمارا دین اسلام ہمیں غرباء اور مساکین کو سارا سال اپنی خوشیوں میں شامل کرنے کا درس دیتا ہے معاشرے کی ضرورت مندوں کی امداد کرنے سے معاشرے میں اخوت مساوات کو فروغ ملتا ہے