پنجاب کے دریاﺅں میں ابھی بھی طغیانی کی صورتحال ہے‘ عرفان کاٹھیا

لاہور( آئی این پی)ڈائریکٹر جنرل پرونشل ڈیزاسٹر مینجمنٹ اتھارٹی عرفان علی کاٹھیا نے کہا ہے کہ پنجاب کے دریاﺅں میں ابھی بھی طغیانی کی صورتحال بر قرار ہے، شہری آبادیوں کو بچانے کے لیے بندوں میں شگاف ڈالے جا سکتے ہیں،ہیڈ محمد والا پر ہر قسم کی ٹریفک روک دی گئی ہے، پانی اس وقت بہاولپور اور بہاولنگر میں داخل ہو چکا ہے۔میڈیا سے گفتگو کرتے ہوئے انہوںنے کہا کہ سیلاب سے اب تک 3243 موضع جات اور دیہات ،24 لاکھ 52 ہزار 185 لوگ متاثر ہو چکے ہیں، امید ہے 5 ستمبر تک بڑا ریلا پنجند کے مقام پر پہنچے گا۔ ڈی جی پی ڈی ایم اے نے کہا کہ ہیڈ بلوکی کے مقام پر پانی کا بہا ﺅ1 لاکھ 37 ہراز ہے، دریائے ستلج میں اونچے درجے کا سیلاب متوقع ہے اور چناب سے ریلا ہیڈ تریموں سے آج رات ملتان پہنچے گا۔اگلے 24 گھنٹے ہیڈ سدھنائی پر بہت اہم ہیں، ہیڈ سدھنائی پر سطح بڑھی تو پیر محل اور خانیوال کے علاقے متاثر ہو سکتے ہیں۔