آئی جی پنجاب کی عید پر پولیس کو سکیورٹی یقینی بنانے کی ہدایت

خوشاب (عزیزالرحمان بوڑانہ سے)آئی جی پنجاب کی عید پر پولیس کو سکیورٹی یقینی بنانے کی ہدایت*آئی جی پنجاب ڈاکٹر عثمان انور کی زیر صدارت اہم اجلاس منعقد ہوا جس میں امن و امان سمیت دیگر امور کا جائزہ لیا گیا۔آئی جی پنجاب کا کہنا ہے کہ شکست خوردہ دشمن عید الاضحٰی پر امن سبوتاژ کرنے کی کوشش کر سکتا ہے، پولیس ہائی الرٹ رہے، سرحدی و دریائی چوکیوں، داخلی و خارجی راستوں پر تعینات اہلکار چوکس رہیں، مشکوک افراد، مشتبہ گاڑیوں کی چیکنگ سخت کر دیں۔آئی جی پنجاب نے مویشی منڈیوں کی سکیورٹی بھی بڑھانے کا حکم دیا ہے۔انہوں نے مزید کہا کہ عید الاضحیٰ پر کالعدم اور غیررجسٹرڈ شدہ تنظیموں کو قربانی کی کھالیں اور چندہ ہرگز اکٹھا نہ کرنے دیں، عید الاضحیٰ پر لاء اینڈ آرڈر، سکیورٹی یقینی بنانے کے لئے انسدادی اقدامات یقینی بنائیں۔ڈاکٹر عثمان انور نے ہدایت کرتے ہوئے کہا ہے کہ پرانی دشمنیوں کے کیسز میں فریقین سے شورٹی بانڈز لیں، ایلیٹ اور کیو آر ایف ٹیمیں حساس مقامات پر تعینات کی جائیں۔آئی جی پنجاب نے کی پرفارمنس انڈیکیٹرز کے تحت تمام افسران کو متعلقہ تفصیلات فوری بھجوانے کا حکم دیتے ہوئے کہا ہے کہ سی سی ٹی کیمروں سے مانیٹرنگ سرچ سویپ اینڈ کومبنگ آپریشن جاری رکھے جائیں گے سمارٹ آئی ہوٹل آئی ٹریول آئی ڈیٹا بیسڈ ای پولیس پوسٹ گیجٹس کے ذریعے اشتہاری مجرموں کا ڈیٹا چیک کروائیں –