محرم الحرام / ایمرجنسی ریسکیو کور پلان جاری کر دیا۔ محمد اکرم پنوار

ننکانہ صاحب( رانا عرفان ) ضلعی ہیڈ کوارٹرز پنجاب ایمرجنسی سروس ریسکیو1122 ننکانہ صاحب میں محرم الحرام کے تناظر میں ایک میٹنگ کا انعقاد کیا گیا جس کی صدارت ڈسٹرکٹ ایمرجنسی آفیسر محمد اکرم پنوار نے کی۔ میٹنگ میں تمام ریسکیو آفیسرز، انچارجز اور میڈیا کوارڈینیٹر علی اکبر بھی موجود تھے۔ ڈسٹرکٹ ایمرجنسی آفیسر محمد اکرم پنوار نے کہا کہ محرم الحرام کے حوالے سے جاری کردہ ریسکیو کور پلان کے مطابق افسران اور ریسیکیورز اپنی ڈیوٹیاں بطریقِ احسن سرانجام دیں۔ضلع بھر کی تمام تحصیلوں میں Aکیٹگری اور Bکیٹگری کی مجالس اور جلوسوں کو مکمل ریسکیو کور مہیا کیا جا ئے گا۔تحصیل کی سطح پر ریپڈ ریسکیو ریسپانس ٹیمیں ہمہ وقت ریسکیو سروسز کے لئے ریسکیو اسٹیشن پر موجود رہیں گی اور جلوسوں کے راستے اہم مقامات پر ریسکیو کیمپ قائم ہوں گے موبائل پوسٹیں جلوسوں کے ساتھ ساتھ ریسکیو سروسز کو یقینی بنائیں۔ محرم الحرام میں 285 ریسکیو افسران و ریسکیورز، موٹر بائیک ریسکیو سروس اور150 ریسکیو سکاؤٹس ڈیوٹی سرانجام دیں گے۔ ڈسٹرکٹ ایمرجنسی آفیسر محمد اکرم پنوار نے ریسکیورز سے خطاب کرتے ہوئے کہا محرم الحرام کی غیر معمولی اہمیت اور حساسیت کے پیشِ نظر برداشت، مذہبی رواداری، احترام، امن اور پیشہ ورانہ ذمہ داریوں کو یقینی بنائیں اور متعلقہ محکمہ جات کیساتھ کوارڈینیشن رکھیں۔