چھت پر بیٹھے افراد کیساتھ حادثہ: ایک شخص جاں بحق، 11 زخمی

جیکب آباد(کرائمز پوائنٹ ڈاٹ کام )جیکب آباد سے روہڑی آنے والی سکھر ایکسپریس کی چھت پر بیٹھے افراد کے ساتھ حادثہ پیش آیا جس میں ایک شخص جاں بحق11 زخمی ہوگئے۔ایس ایس پی اظہر مغل نے بتایا کہ سکھر ایکسپریس کی چھت پر ببٹھے زائرین کا علم بجلی کی تاروں سے ٹکرایا۔ایس ایس پی کے مطابق حادثے میں ایک عزادار جاں بحق اور 11 شدید زخمی ہوگئے۔انہوں نے بتایا کہ حادثے میں زخمی ہونے والے افراد کو تشویشناک حالت میں قریبی اسپتال منتقل کر دیا گیا ہے۔ایس ایس پی نے بتایا کہ متاثرہ افراد کرنٹ لگنیاور ٹرین سے گرنے سے زخمی ہوئے۔