سکیورٹی خدشات کے باعث کوئٹہ سے اندورن ملک ٹرین سروس معطل

لاہور (آئی این پی )سکیورٹی خدشات کے باعث کوئٹہ سے اندورن ملک ٹرین سروس معطل کردی گئی۔پاکستان ریلوے انتظامیہ کے مطابق 10جولائی کو کوئٹہ سے ٹرین سروس معطل رہے گی،اس روز کوئٹہ سے پشاور جانے والی جعفر ایکسپریس روانہ نہیں ہوسکے گی،10جولائی کو کوئٹہ سے کراچی جانے والی بولان میل بھی روانہ نہیں ہوگی۔ریلوے انتظامیہ کے مطابق کوئٹہ سے اندورن ملک ٹرین سروس حفاظتی انتظامات کے پیش نظرمعطل رہے گی۔