نوسر باز خاتون نے گھر سے موبائل فونز،نقدی، دیگر سامان چوری کرلیا

لاہور (کر ائم رپو رٹر)گرین ٹاؤن میں ایک انوکھی چوری کی واردات سامنے آئی جہاں ایک نوسر باز خاتون اپنے دو بچوں کے ہمراہ گھر میں داخل ہو کر 2موبائل فون، نقدی اور دیگر سامان چرا کر فرار ہو گئی واقعے کی سی سی ٹی وی فوٹیج منظر عام پر آ چکی جس میں واضح طور پر دیکھا جا سکتا ہے کہ ایک خاتون دو کم عمر بچوں کے ہمراہ صبح کے وقت گھر میں داخل ہوئی، گھر والوں کو باتوں میں الجھایا اور اسی دوران بچوں نے کمرے سے موبائل فون اٹھا لئے متاثرہ شہری کی مدعیت میں گرین ٹاؤن پولیس نے مقدمہ درج کر لیا۔