نواز شریف انسٹیٹیوٹ آف کینسر جلد ہی مریضوں کےلئے امید کی کرن بنے گا‘مریم نواز

لاہور(آئی این پی)وزیراعلیٰ پنجاب مریم نواز شریف نے ورلڈ ہیڈ اینڈ نیک کینسر ڈے پراپنے پیغام میں کہاکہ ورلڈ ہیڈ اینڈ نیک کینسر ڈے ہمیں مہلک بیماری کے خلاف شعور، احتیاط اور ہمدردی کا پیغام دیتا ہے۔وزیراعلی مریم نوازشریف نے کہاکہ تمباکو نوشی، گٹکا، پان، شراب اور ناقص طرزِ زندگی کینسر کے بنیادی اسباب ہیں۔الحمدللہ، پاکستان کا پہلا”نواز شریف انسٹیٹیوٹ آف کینسر“تیزی سے تعمیر ہو رہا ہے-وزیراعلی مریم نواز شریف نے کہاکہ نواز شریف انسٹیٹیوٹ آف کینسر جلد ہی نہ صرف پنجاب بلکہ پورے پاکستان کے مریضوں کے لیے امید کی کرن بنے گا۔نواز شریف انسٹیٹیوٹ آف کینسر میں کسی بھی سٹیج کے کینسر مریض کو انکار نہیں کیا جائے گا-