شہریوں کو قتل و زخمی کرنے والی خاتون ساتھیوں سمیت گرفتار

لاہور(آئی این پی)شاہدرہ ٹاﺅن پولیس نے کامیاب کارروائی کرکے عدالت میں پیشی پر آئے شہریوں پر فائرنگ کرنے والی خاتون کو ساتھیوں سمیت گرفتار کر لیا گیا۔ ترجمان پولیس کے مطابق خاتون اشتہاری دہشتگردی ،قتل ،اقدام قتل کے مقدمہ میں مطلوب تھی،مفرور اشتہاری ثنا ءبی بی نے شہریوں کو ساتھیوں کے ہمراہ مل کر قتل اور زخمی کیام،ملزمان کی فائرنگ سے کچہری میں خوف پھیل گیا تھا ،گرفتار اشتہاری اور اس کے ساتھیوں نے مل کر 2افراد کو قتل اور3کو زخمی کیا۔مفرور اشتہاری 4سال سے روپوش تھی جس کو جدید ٹیکنالوجی کی مدد سے گرفتار کیا گیا،مفرور اشتہاری ثنا ءکو گرفتار کر کے انویسٹی گیشن ونگ کے حوالے کر دیا گیا۔