خاتون نے حمل ضائع ہونے کے بعد کمسن بچہ اغوا ءکرلیا

لاہور( آئی این پی)لاہور میں خاتون نے حمل ضائع ہونے کے بعد کمسن بچہ اغوا ءکر لیا۔تفتیشی حکام کے مطابق ملزمہ خاتون کا 6 ماہ کا حمل ضائع ہوگیا۔ یہ خبر بیرون ملک مقیم اس کے شوہر تک نہ پہنچنے پائے خاتون نے اپنی ملازمہ کو لالچ دے کر بچے کے اغواکا منصوبہ بنا لیا۔ملزمان نے ہنجروال کی ایک غریب فیملی کا انتخاب کیا اور ان کے گھر کے قریب دودھ کی سبیل لگائی اور بڑی چالاکی سے ننھے بچے کو اٹھاکر لے گئے۔پولیس کو جائے وقوعہ سے 3 کلومیٹر دور ایک کیمرے کی سی سی ٹی وی فوٹیج میں اغوا کاروں کی جھلک نظرآئی تو ملزمہ کی شناخت ہوگئی۔ واردات کی ماسٹر مائنڈ سمیت 4 ملزموں کو حراست میں لے لیا گیا۔