یوم استحصال کشمیر پر اظہارِ یکجہتی کی قرارداد پنجاب اسمبلی میں جمع

لاہور (آئی این پی) یوم استحصال کشمیر پر اظہارِ یکجہتی کی قرارداد پنجاب اسمبلی میں جمع کروا دی گئی ۔قرارداد مسلم لیگ (ن) کی رکن اسمبلی حنا پرویز بٹ کی جانب سے جمع کروائی گئی جس کے متن میں کہا گیا ہے کہ کشمیری بہن بھائیوں سے بھرپور یکجہتی کا اظہار کرتے ہیں اور واضح کرتے ہیں کہ کشمیر پاکستان کی خارجہ پالیسی کا سرفہرست ایجنڈا ہے،بھارت نے طاقت کے زور پر کشمیر کی آئینی حیثیت ختم کی، بھارت کشمیریوں کی تحریک آزادی کو دبانے میں ناکام رہا، مسئلہ کشمیر کو اقوام عالم کا سب سے پرانا اور حل طلب مسئلہ سمجھتے ہیں،مطالبہ ہے کہ مسئلہ کشمیر کے حل کے بغیر خطے میں امن ممکن نہیں،کشمیری عوام کی ہر سطح پر حمایت جاری رکھنے کے عزم کا اعادہ کرتے ہیں۔