پارٹی کارکن ہمارا قیمتی اثاثہ،خدمت کی سیاست کو فروغ دیا ‘چوہدری شافع حسین

لاہور(آئی این پی)پاکستان مسلم لیگ ہا¶س میں صوبائی حلقہ پی پی 31 کا اہم اجلاس منعقد ہوا جس کی صدارت صوبائی وزیر صنعت و تجارت اور پاکستان مسلم لیگ پنجاب کے جنرل سیکرٹری چوہدری شافع حسین نے کی -اجلاس میں پاکستان مسلم لیگ کے اہم عہدیداران و پی پی 31 کے سابقہ چیئرمین، وائس چیئرمین نے شرکت کی -حلقے کے ترقیاتی کاموں کے حوالے سے بات چیت کی گئی جس میں حلقے کی سیوریج لائن، واٹر سپلائی لائن، روڈ پی سی سی، روڈ کارپیٹ، نالوں کی صفائی، سٹریٹ لائٹس اور دیگر امور پر گفتگو کی گئی -عہدیداران سے بات کرتے ہوئے چوہدری شافع حسین کا کہنا تھا کہ حلقے کے ترقیاتی کاموں کو جلد مکمل کر لیا جائے گا۔ کارکنان کو کہتا ہوں کہ کسی کی غیبت چغلی کرنے کے بجائے اپنے کام پر دھیان دیں عوام کی خدمت کے لیے دن رات محنت کریں -چوہدری ظہور الٰہی شہید اور پاکستان مسلم لیگ کے صدر چوہدری شجاعت حسین نے خدمت اور رواداری کی سیاست کو فروغ دیا ،ہم انہیں کی سیاست کو لے کر آگے بڑھ رہے ہیں ،ہم انتقامی سیاست پر یقین نہیں رکھتے -اپنے دور اقتدار میں قومی وسائل کی لوٹ مار کرنے والے الزام تراشیوں کی سیاست نہ کریں -ان کے دور میں جو ہوتا رہا عوام سب جانتے ہیں -پاکستان مسلم لیگ ہماری شناخت ہے ،پارٹی کو ہرسطح پر مضبوط اور منظم کرنا ہے -پارٹی کارکن ہمارا اثاثہ ہیں اور ان کی تجاویز کی روشنی ترقی کے عمل کو آگے بڑھایا جا رہا ہے-