شجاع آباد (مظہرتاج قریشی)
شجاع آباد اسسٹنٹ کمشنر سیدہ حمیرا شاہ نے ایس پی صدر میڈم خدیجہ کے ہمراہ جلالپور کھاکی اور کھاکی پنجانی میں فلڈ ایریاز کا دورہ کیا اور علاقہ مکینوں کا انخلا کرایا
تفصیلات کے مطابق
اس موقع پر علاقہ مکینوں کو آگاہی دیتے ہوئے اپیل کی گئی کہ انخلاء کے عمل میں انتظامیہ کا بھرپور ساتھ دیں اور اپنی و اپنے بچوں کی حفاظت کے لیے فوری طور پر محفوظ مقامات پر منتقل ہو جائیں انتظامیہ کی جانب سے فلڈ ریلیف کیمپس قائم کر دیے گئے ہیں، جہاں متاثرین کے لیے کھانے پینے کی اشیاء علاج معالجہ، رہائش اور دیگر تمام بنیادی سہولیات فراہم کی گئی ہیں۔تحصیل انتظامیہ نے واضح کیا ہے کہ عوام کے تحفظ کے لیے ہر ممکن اقدامات جاری ہیں اور کسی بھی ہنگامی صورتحال میں انتظامیہ پولیس اور ریسکیو ٹیمیں موقع پر موجود ہوں گی۔
