سیاسی شخصیت چوہدری امجد رفیق کی ساتھیوں سمیت استحکامِ پاکستان پارٹی میں شمولیت

لاہور( آئی این پی)این اے 117سے سیاسی شخصیت چوہدری امجد رفیق ساتھیوں سمیت استحکامِ پاکستان پارٹی میں شمولیت کا اعلان کر دیا۔چوہدری امجد رفیق کوآئی پی پی راوی ٹاﺅن کاسینئرنائب صدرتعینات کردیا گیا،مرکزی جنرل سیکرٹری میاں خالد محمود نےانہیں پارٹی میں خوش آمدید کہا اورشمولیت کو مثبت پیش رفت قرار دیا۔چوہدری امجد رفیق نے کہا کہ عبدالعلیم خان ایک دردِ دل رکھنے والے قائد ہیں جن کے وژن سے علاقے میں حقیقی ترقی ممکن ہوگی۔میاں خالد محمود نے اپنے خطاب میں کہا کہ ا این اے 117کی تاریخ میں پہلی بارپچپن کلومیٹر طویل گیس پائپ لائن بچھانے کی منظوری دی گئی ہے جس پرجلد تعمیراتی کام کا آغازہوگا،علاقے میں سڑکوں کی تعمیر، اسٹریٹ لائٹس ،سیوریج سسٹم کے منصوبے تیزی سے جاری ہیں۔