چوریاں، ڈاکے، شہریوں سے لاکھوں روپے، قیمتی سامان چھین لیا گیا

لاہور(کر ائم رپو رٹر)شہر میں چوری و ڈکیتی کی متعدد وارداتوں میں شہریوں سے لاکھوں روپے، طلائی زیورات، موبائل فونز، موٹرسائیکلوں اور گاڑیوں سمیت دیگر سامان چھین لیا گیا تفصیلات کے مطابق گوالمنڈی میں اصغر سے 1لاکھ 70 ہزار روپے اور دیگر سامان،مصری شاہ میں قیصر سے 1 لاکھ 50 ہزار روپے اور موبائل فون،ماڈل ٹاؤن میں ساجد سے 1 لاکھ 45ہزار روپے موبائل فون اور دیگر سامان، اچھرہ میں شعیب سے1 لاکھ35 ہزار روپے اور موبائل فون،نواب ٹاؤن میں دلاور سے 1لاکھ 30ہزار روپے اور موبائل فون،فیکٹری ایریا میں جاوید سے 1 لاکھ 20ہزار روپے موبائل فون اور دیگر سامان لوٹ لیا گیا، شاہدرہ ٹاؤن اور گڑھی شاہو سے گاڑیاں جبکہ ٹاؤن شپ،بادامی باغ اور نولکھا سے موٹرسائیکلیں چوری ہو گئیں۔