انٹرنیشنل تنظیم اکیڈمی آف نیشنل لٹریچر اینڈ کلچر پاکستان دی چھتر چھانویں مشاعرہ
لاہور(محمدزاہدصدیقی)انٹرنیشنل تنظیم اکیڈمی آف نیشنل لٹریچر اینڈ کلچر پاکستان دی چھتر چھانویں 13 مارچ دیہاڑ جمرات انگلینڈ توں آ ئے ہوئے پیارے متر پنجابی لیکھک پنجابی سوجھوان پنجابی شاعر جناب عظیم شیکھر دے اعزاز چ قذافی اسٹیڈیم پلاک لاہور چ اک بھرپور تے بہت خوبصورت پنجابی اکھٹھ تے پنجابی مشاعرہ دا انتظام ہویا جس دی صدارت پنجابی ماں بولی دے لیڈر جناب الیاس گھمن ہوراں فرمائی اچیچے پروہنے انگلینڈ تو آ ئے ہوئے پیارے ویر جناب عظیم شیکھر تے پروگرام دی میزبانی تے مشاعرے دا آہر انٹرنیشنل تنظیم اکیڈمی آف نیشنل لٹریچر اینڈ کلچر پاکستان دے پریذیڈنٹ جی ایم ساقی نے کیتا مہمانِ خصوصی چ شامل سن مشہور و معروف شاعر بابا نجمی تے انگلینڈ توں آ ئی ہوئی محترمہ عنبرین ظفر صاحبہ عدل منہاس لاہوری تے ممتاز راشد لاہوری تے مناہل خان فریدی نظامت انیس احمد انیس نے فرمائی مہماناں دا سواگت جناب جی ایم ساقی ہوراں گل چ مالا پا کے کیتا بڑے وڈھے وڈھے شاعر آئے ہوئے سن ساریاں شاعراں نیں اپنا اپنا کلام سنایا۔ بابا نجمی عدل منہاس لاہوری محمد زاہد صدیقی ممتاز راشد لاہوری وحید ناز محمد صدیق جوہر ڈیوڈ پرسی عطاء العزیز انیس احمد انیس ولایت احمد فاروقی عنبرین ظفر صاحبہ انگلیڈ شہزاد فراموش محمد شفیق چغتائی رانا خادم انجم ذوالفقار علی ساگر رانا اسد محترمہ مناہل خان صوفی سنگر علی عثمان باجوہ نعیم طاہر مشتاق قمر ملک سکندر سرور خان جند کڑکی امجد رسول امجد ملک فرہاد وٹو پنجابی شاعر محمد نوید نواز عبدلقدوس کیفی لیاقت مئیو لاہوری دعا قاسم ڈاکٹر ممتاز حسین ممتاز۔ آخر تے انگلینڈ توں تشریف لیائے ہوئے پیارے متر جناب عظیم شیکھر نے اپنا کلام سنایا تے آکھیا کہ میں انٹرنیشنل تنظیم اکیڈمی آف نیشنل لٹریچر اینڈ کلچر پاکستان تے جی ایم ساقی دا شکریہ ادا کرداں آں کہ مینوں اینی زیادہ عزت مان سمان نال میرا سواگت کیتا پھر جی ایم ساقی ہوراں سارے آ ئے ہوئے پیارے سجناں دا تے عظیم شیکھر صاحب تے الیاس گھمن صاحب شکریہ ادا کیتا جنہاں نیں اپنا قیمتی ویلا کڈھ کے تے پروگرام نوں چار چن لا دیتے۔ سب توں آ خر تے پنجابی ماں بولی دے راکھے ماں بولی دے لیڈر پنجاب دا مان پنجابیاں دا فخر جناب الیاس گھمن ہوراں اپنے وچار سانجھے کر دیاں ہویاں ماں بولی دے وادھے لئی گل بات کیتی تے ماں بولی دے نعرے وی لوائے نال جناب الیاس گھمن ہوراں آ کھیا کہ جی ایم ساقی اک مزدور تے محنت کش بندہ ہون دے باوجود ماں بولی دے وادھے لئی لڑی وار ماں بولی مشاعرہ کروا رہیا اے جو کہ لکھاں روپے رکھن والے وی ایہو جیا پروگرام نئیں کروا سکدے
