نامعلوم افراد نے فائرنگ کر کے میاں بیوی کو قتل کردیا

خیرپور (کرائمز پوائنٹ ڈاٹ کام )خیرپور کی تحصیل کوٹ ڈیجی میں نامعلوم افراد نے فائرنگ کرکے میاں بیوی کو قتل کردیا۔پولیس کے مطابق واقعہ کوٹ ڈیجی کے گوٹھ مراد گوپانگ میں پیش آیا، جہاں مسلح افراد میر محمد گوپانگ نامی شخص کے گھر میں داخل ہوئے اور میاں بیوی پر فائرنگ کر کے فرار ہوگئے۔ پولیس کے مطابق مقتولین کی لاشیں پوسٹ مارٹم کیلئے اسپتال کوٹ ڈیجی پہنچائی گئیں۔ پولیس کے مطابق لگتا ہے کہ میاں بیوی کو پرانی دشمنی پر قتل کیا گیا، مزید تحقیقات جاری ہیں۔