عوامی خدمت ہی میری اولین ترجیح ہے:رائے فخر

ننکانہ صاحب (عمران اختر رانا سے ) سیکرٹری یونین کونسل 28 ننکانہ صاحب، رائے فخر محمود کی شاندار کارکردگی اور فرائض منصبی کی مخلصانہ انجام دہی پر عوامی سطح پر خراج تحسین پیش کیا جا رہا ہے۔ رائے فخر نہ صرف دفتری نظم و ضبط کو مثالی انداز میں چلا رہے ہیں بلکہ شہریوں کے مسائل کے فوری حل، بر وقت دستاویزی امور کی تکمیل اور شفافیت کو یقینی بنانے میں بھی پیش پیش ہیں۔ یونین کونسل 28 کے معززین، سماجی کارکنان اور مقامی افراد کا کہنا ہے کہ رائے فخر جیسے فرض شناس افسر کی موجودگی نعمت سے کم نہیں، جو بغیر کسی سفارش یا تاخیر کے ہر سائل کی بات سنتے اور حل نکالتے ہیں۔ انہوں نے عوامی سہولت کے پیش نظر دفتر کے اوقات کار میں لچک پیدا کی، جس سے سینکڑوں افراد کو فائدہ پہنچا۔ ان کی ایمانداری، خوش اخلاقی اور مستعدی کو دیکھتے ہوئے اہلیانِ علاقہ نے اعلیٰ حکام سے مطالبہ کیا ہے کہ ایسے قابل افسران کی خدمات کو سراہا جائے اور انہیں ترقی و اعزازات سے نوازا جائے تاکہ دیگر اہلکاروں کے لیے بھی یہ مشعل راہ ثابت ہو۔ رائے فخر نے اس موقع پر کہا کہ عوامی خدمت ہی ان کی اولین ترجیح ہے اور وہ اپنی ذمہ داری کو عبادت سمجھ کر نبھاتے رہیں گے۔