پولیس نے 3گمشدہ بچے بازیاب کروا کے ورثاء کے حوالے کر دیئے

لاہور (آئی این پی ) کوٹ لکھپت پولیس نے بروقت کارروائی کر کے 3 گمشدہ بچوں کو بازیاب کروا کر بحفاظت ان کے ورثاء کے حوالے کر دیا گیا۔ ترجمان پو لیس کے مطابق پولیس کو بچوں کے اغواء ہونے کے متعلق 15کالز موصول ہوئی تھیں،کوٹ لکھپت پولیس نے 8سالہ آمنہ کو بوستان کالونی سے تلاش کیا۔پولیس حکام نے بتایا کہ بچی بابر چوک اپنی خالہ کے گھر مہمان آئی ہوئی تھی،آمنہ گھر سے چیز لینے نکلی تھی مگر گھر کا راستہ بھول گئی، کوٹ لکھپت پولیس نے 3سالہ بنیامین اور 4سالہ دعا کو مصطفی کالونی سے تلاش کیا۔بچے گلی میں کھیلتے ہوئے دور نکل آئے اور واپسی کا راستہ بھول گئے تھے۔پولیس کا کہنا ہے کہ بچوں کی تلاش کیلئیجدید ٹیکنالوجی اور موثر حکمت عملی اپنائی گئی۔