مانگا منڈی میں مسلم لیگ (ن) کے رکن قومی اسمبلی ملک افضل کھوکھر کے زیر صدارت ہونے والا فقیدالمثال جلسہ ایک سیاسی شو آف پاور بن کر سامنے آیا، جس نے مخالفین کے تمام اندازے غلط ثابت کر دیے اور اُن کی زبانوں کو خاموشی میں بدل دیا، جلسے سے قبل مخالف حلقوں کی جانب سے سوشل میڈیا اور مقامی سطح پر یہ تاثر دینے کی کوشش کی جا رہی تھی کہ یہ جلسہ فلاپ ہو گا، عوام کی دلچسپی کم ہو چکی ہے، اور مسلم لیگ ن کے مقامی دھڑے بھی تقسیم در تقسیم کا شکار ہیں، تاہم جیسے ہی جلسے کے دن مانگا منڈی کی فضا سیاسی نعروں سے گونجی، لوگوں کے قدموں کی چاپ نے اندازوں کی دھجیاں بکھیر دیں، جلسہ گاہ میں عوام کا جوش و خروش دیدنی تھا، ہر طرف "شیر آیا شیر آیا” کے نعروں کی گونج تھی، جلسے میں مقامی بااثر شخصیات، یونین کونسل چیئرمینز، مسلم لیگ ن کے سینئر رہنماؤں، ایم پی ایز، پارٹی کارکنان، نوجوانوں اور بزرگوں سمیت ہر طبقہ فکر سے تعلق رکھنے والے سینکڑوں افراد نے شرکت کی اور یہ ثابت کر دیا کہ افضل کھوکھر کا سیاسی قد آج بھی برقرار ہے، جلسے کے دوران کئی اہم ترقیاتی منصوبوں کا افتتاح بھی کیا گیا، جن میں واٹر سپلائی اسکیم، سڑکوں کی مرمت، سیوریج سسٹم کی بہتری، گلیوں کی تعمیر اور تعلیمی اداروں میں سہولیات کی فراہمی شامل تھیں، افضل کھوکھر نے اپنے خطاب میں کہا کہ وہ مسلم لیگ ن کے سپاہی ہیں اور میاں نواز شریف کی قیادت پر غیر متزلزل یقین رکھتے ہیں، انھوں نے کہا کہ مخالفین صرف باتیں کرتے ہیں جبکہ ہم کام کر کے دکھاتے ہیں، اُنھوں نے مقامی لوگوں سے وعدہ کیا کہ وہ مزید ترقیاتی کاموں کا جال بچھائیں گے اور مانگا منڈی کو لاہور کے بہترین علاقوں کے برابر لے آئیں گے، جلسے کے موقع پر نظم و ضبط کا مثالی مظاہرہ کیا گیا، ضلعی انتظامیہ اور مقامی قیادت کی مشترکہ کوششوں سے سیکورٹی، پنڈال کی آرائش، اسٹیج کی تیاری، ساؤنڈ سسٹم، پارکنگ سمیت ہر انتظام قابل تعریف رہا، اس جلسے نے نہ صرف مسلم لیگ ن کے حامیوں کے حوصلے بلند کیے بلکہ اندرونِ خانہ مخالف گروپوں میں بھی کھلبلی مچا دی، جنھیں یہ اندازہ ہو گیا کہ کھوکھر برادران کی مقبولیت آج بھی عوام میں قائم ہے، جلسے میں مختلف سیاسی رہنماؤں نے بھی خطاب کیا اور پارٹی کی قیادت پر اعتماد کا اظہار کیا، کارکنان نے جھنڈے، بینرز اور پوسٹرز کے ذریعے ماحول کو سیاسی رنگ میں رنگ دیا، اور فضا پر ن لیگی ترانوں کی گونج چھائی رہی، اس موقع پر افضل کھوکھر کو پھولوں کے ہار پہنائے گئے، کارکنان نے انہیں اپنے کندھوں پر اٹھا کر خوشی کا اظہار کیا، سیاسی تجزیہ کاروں کے مطابق یہ جلسہ نہ صرف ایک سیاسی قوت کا مظہر ہے بلکہ یہ ثابت کرتا ہے کہ آنے والے عام انتخابات میں بھی افضل کھوکھر مانگا منڈی کے عوام کا پہلا انتخاب ہوں گے، اس جلسے کے بعد مسلم لیگ ن کے اندرونی ناقدین بھی خاموش ہو گئے ہیں اور وہ لوگ بھی جو اختلافی چہ مگوئیاں کرتے تھے، اب صف بندی کرتے نظر آ رہے ہیں، سیاسی پنڈتوں کا کہنا ہے کہ اس جلسے نے مخالفین کی نیندیں حرام کر دی ہیں اور عوامی پذیرائی کے اس مظاہرے نے یہ ثابت کر دیا ہے کہ زمین پر کام کرنے والے رہنما ہی دلوں میں جگہ بناتے ہیں، یوں یہ جلسہ صرف ایک تقریب نہ رہا بلکہ ایک پیغام بن گیا — پیغام عزم، وفاداری، اور عوامی طاقت کا۔
