چھٹی کی منظوری کا اختیار وزیراعلیٰ پنجاب نے خود سنبھال لیا

لاہور (آئی این پی) وزیراعلیٰ پنجاب مریم نواز شریف نے بیرون ملک چھٹی کی منظوری کا اختیار خود سنبھال لیا ۔ اس فیصلے کے تحت محکموں کے انتظامی سیکرٹریز کو افسران کی بیرون ملک رخصت کی منظوری کا اختیار ختم کر دیا گیا ہے۔محکمہ صحت کا تمام میڈیکل یونیورسٹیز ، کالجز و ہسپتالوں کو مراسلہ جا ری کر دیا،ڈاکٹرز ، نرسز ، پیرامیڈیکس و دیگر ملازمین کی ایکس پاکستان چھٹی وزیر اعلی منظور کریں گی،وزیراعلی پنجاب کو بیرون ملک رخصت کی درخواست ایک ماہ پہلے بھجوانا ہوگی۔وزیراعلی پنجاب کی منظوری کے بعد بیرون ملک رخصت پر عمل ہوسکے گا۔