اسمگلنگ روکنے کیلئے ڈیجیٹلائزیشن کے معاملے میں اہم پیشرفت

لاہور( آئی این پی)پیٹرولیم مصنوعات کی اسمگلنگ اور چوری روکنے کیلئے ڈیجیٹلائزیشن کے معاملے میں اہم پیشرفت ہوئی ہے۔مارکیٹنگ کمپنیوں اور ریفارئنریز کی سپلائی چین کی ڈیجیٹلائزیشن کیلئے پروٹو ٹائپ تیار کرلیا گیا، پہلے مرحلے میں 35او ایم سیز اور ریفائزیز کا ریکارڈ ڈیجیٹلائز کرنے پر کام جاری ہے۔اوگرا حکام کے مطابق پہلے مرحلے کیلئے تیار پروٹو ٹائپ آئندہ چند ہفتوں میں لانچ کردیا جائے گا، درآمدی اور ملک میں ریفائن کی گئی مصنوعات کا ڈیٹا اکٹھا کیا جائے گا، ڈیجیٹلائزیشن کے پائلٹ نظام میں ڈیٹا انٹری کے بعد ٹیسٹنگ کا عمل شروع ہوگا۔دوسرے مرحلے میں پیٹرول پمپوں کی فروخت کو ڈیجیٹلائز کیا جائے گا، پیٹرول پمپوں کی ڈیجیٹلائزیشن کے بعد سسٹم ایف بی آر سے منسلک ہوگا۔