لاہور: سول ڈیفنس کے اہلکاروں کی ملی بھگت ، منی پٹرول پمپس قائم

لاہور / رائےونڈ / سندر / مانگا / چوہنگ / شیر شاہ کالونی / بھوبتیاں (آئی این پی )شہر بھر میں سول ڈیفنس کے اہلکاروں کی ملی بھگت کے باعث جگہ جگہ غیر قانونی منی پٹرول پمپس قائم ہو گئے ہیں، جو شہریوں کی قیمتی جانوں کو شدید خطرے میں ڈال رہے ہیں۔ ان منی پٹرول پمپس کی وجہ سے نہ صرف شہریوں کی زندگیوں کو خطرہ لاحق ہے بلکہ یہ ماحولیاتی آلودگی اور حادثات کا بھی سبب بن سکتے ہیں۔مقامی ذرائع کے مطابق، ان غیر قانونی منی پٹرول پمپس کی تعداد میں روز بروز اضافہ ہو رہا ہے اور یہ بیشتر رہائشی علاقوں، بازاروں اور عوامی مقامات کے قریب قائم کیے جا رہے ہیں۔ ان پمپس پر حفاظتی تدابیر کا فقدان ہوتا ہے اور انہیں چلانے والے غیر تربیت یافتہ افراد ہوتے ہیں، جو کسی بھی وقت بڑے حادثے کا باعث بن سکتے ہیں۔شہریوں نے ان منی پٹرول پمپس کے خلاف احتجاج کیا ہے اور مطالبہ کیا ہے کہ حکومت فوری کارروائی کرے اور ان پمپس کو بند کرے۔ انہوں نے کہا کہ سول ڈیفنس کے اہلکاروں کی ملی بھگت سے یہ کاروبار چل رہا ہے اور ان کے خلاف بھی سخت کارروائی کی جانی چاہیے