راولپنڈی،گرین الیکٹرک بس پر پتھراؤ، مقدمہ درج

راولپنڈی(کرائمز پوائنٹ ڈاٹ کام ) راولپنڈی کے تھانہ ویسٹریج کے علاقے میں گرین الیکٹرک بس پر نامعلوم افراد کی جانب سے پتھراؤ کا واقعہ پیش آیا ہے۔پولیس نے بس کے روٹ آفیسر شیراز احمد کی درخواست پر واقعے کا مقدمہ درج کرلیا۔متن مقدمہ کے مطابق گرین الیکٹرک بس مریڑھ سے 26نمبر چونگی کی جانب جا رہی تھی جس میں 100سے زائد مرد، خواتین اور بچے سوار تھے۔جب بس پشاور روڈ پر چیرنگ کراس کے قریب پہنچی تو ایک نامعلوم شخص نے بس پر پتھراؤ شروع کر دیا، جس کے نتیجے میں بس کی کنڈیکٹر سائیڈ کا شیشہ ٹوٹ گیا۔واقعے کے بعد ملزم موقع سے فرار ہوگیا جبکہ پولیس نے مقدمہ درج کرکے ملزم کی تلاش شروع کردی ہے۔