سانگلا ہل، گھریلو جھگڑے پر دیورنے ساتھیوں سے ملکر بھابھی کو قتل کرڈالا

سانگلاہل (تحصیل رپورٹر)مقامی محلہ ماڈل ٹاؤن گھوڑے والا چوک میں عدنان عرف چاند نے 2ساتھیوں کے ہمراہ اپنی بھابھی رمشاء کو ڈنڈے کے پے در پے وار کرکے ابدی نیند سلادیا،تھا نہ سٹی پولیس نے مقتولہ کے والد محمد یٰسین کی مدعیت میں عدنان عرف چاند سمیت 3افراد کیخلاف مقدمہ درج کرلیا،نعش ہسپتال منتقل، مقتولہ 5بچو ں کی ماں تھی،بتایا گیا کہ رمشاء کی ملزم عدنان عرف چاند کے بھائی محمد آصف ولد شیخ پرویز سے شادی ہوئی تھی،گذشتہ رو رمشاء نے اپنے والد محمد یٰسین کو بتایا کہ وہ اپنے خاوند سے ناراض تھی اور اس کا اپنے دیور عدنان عرف چاند سے جھگڑا ہوا جس پر مکو آنہ فیصل آباد کا رہائشی محمد یٰسین اپنے ساتھیوں نعیم اور عارف کے ہمراہ اپنی بیٹی کو سمجھایا، پھر وہ کمرے میں چائے پینے لگ گئے،اسی دوران باہر سے عدنان عرف چاند اپنے 2 ساتھیوں کے ہمراہ نمک مرچ پیسنے والا موٹا ڈنڈا لے کر آگیا اسکے ساتھیوں نے رمشاء کو پکڑے رکھا اور عدنان ڈنڈے کے وار کرتا رہا۔رمشاء موقع پر دم توڑ گئی،سٹی پولیس نے مقدمہ درج کرکے تفتیش شروع کردی۔