منشیات فروشوں سے تقریباً 10 کلو سے زائد چرس/افیون برآمد

منچن آباد(راشد ڈھڈی)ڈی پی او نصیبﷲ خاں کے وژن کے مطابق تھانہ ہذا منچن آباد کی حدود میں ورداتوں کو کنٹرول کرنے کیلئے چوروں اور لٹیروں کے خلاف کاروائی جاری ہے۔ جس پر ڈی ایس پی محمد اسلم سرکل منچن آباد کے زیر نگرانی ایک ٹیم تشکیل دی گئی۔ جس میں ایس ایچ او نوید نزاکت، ایس آئی محمد اظہر سعید، ایس آئی محمد مقصور، اے ایس آئی محمد خالد، اے ایس آئی محمد یونس رضا، اے ایس آئی محمد آصف جاوید، اے ایس آئی محمد اسماعیل،غلام محی الدینHC/775،محمد اکرام/1683 ، شرافت علی/756،محمد معین/1341،محمد سہیل/13153 پر شامل تھی۔ جنہوں نے شب روز محنت کے بعد ملزمان سفیان عرف شانی ولد محمد جعفر قوم چوڑیگر سکنہ ریلوے اسٹیشن منچن آباد، محمد یٰسین ولد فلک شیر قوم در ویشکا وٹو سکنہ پل باریکا کو گرفتار کر کے 22 مقدمات کو ٹریس کرکے ملزمان کے قبضہ میں سے 14 عدد موٹر سائیکل، 5 عدد موبائل،نقدی رقم 2 لاکھ روپے جن کی مالیت تقریباً 23 لاکھ روپے مال مسروقہ برآمد کیا گیا۔ ماہ اکتوبر میں منشیات فروشوں کے خلاف کاروائی کرتے ہوئے منشیات کے 11 مقدمات درج رجسٹر کیے گئے اور منشیات فروشوں سے تقریباً 10 کلو سے زائد چرس/افیون برآمد کر کے ملزمان کو بند جیل کروایا گیا۔ تھانہ ہذا منچن آباد میں چوروں لٹیروں، وارداتیوں اور منشیات فروشوں کے خلاف بلا تفریق کاروائی جاری ہیں۔ اگر کوئی بھی ان کاروائیوں میں ملوث پایا گیا تو ان کے خلاف سخت سے سخت کاروائی کی جائے گی۔