سیکرٹری ڈی آر ٹی اے اقصیٰ ریاض کی پرائیویٹ اڈا جات کی چیکنگ

دیپال پور (نمائندہ خصوصی)ڈپٹی کمشنر احمد عثمان جاوید کی ہدایت پر سیکرٹری ڈی آر ٹی اے اقصیٰ ریاض کی پرائیویٹ اڈا جات کی چیکنگ، انہوں نے شہر کے مختلف پرائیویٹ اڈہ جات پر کرایوں کی چیکنگ کی اور مسافروں سے فیڈ بیک بھی لیا، اس موقع پر سیکرٹری ڈی آر ٹی اے اقصیٰ ریاض نے کہا کہ پٹرولیم مصنوعات کی قیمتوں میں کمی کا فائدہ مسافروں تک براہ راست پہنچنا چاہیے، اڈہ جات کے مالکان نئے کرایہ ناموں کو نمایاں جگہوں پر آویزاں کریں اور ان پر مکمل عمل درآمد کریں، انہوں نے کہا کہ کرایہ ناموں پر عمل درآمد نہ کرنے والے اڈہ مالکان کے خلاف کاروائی عمل میں لائی جائے گی اور انہیں بھاری جرمانے بھی کیے جائیں گے۔