چھانگا مانگا(ذوالفقار علی ڈوگر) تھانہ چھانگا مانگا کی حدود میں کارخانہ کریانہ کی دکان پر دن دہاڑے ڈکیتی کی واردات پیش آئی۔ تفصیل کے مطابق دکاندار راشد اپنی دکان پر موجود تھا کہ دوپہر تقریباً دو سے تین بجے کے درمیان دو نامعلوم افراد موٹر سائیکل پر سوار ہو کر آئے اور اسلحہ کے زور پر 85 ہزار روپے مالیت کا موبائل فون چھین کر فرار ہوگئے۔
واردات کی تمام فوٹیج کیمرے کی آنکھ میں محفوظ ہوگئی ہے جس میں دونوں ملزمان کو واضح طور پر دیکھا جا سکتا ہے۔ واقعہ کی درخواست تھانہ چھانگا مانگا میں جمع کرا دی گئی ہے جبکہ شہریوں اور دکانداروں نے اعلیٰ حکام سے فوری نوٹس لینے اور ملزمان کو گرفتار کرنے کا مطالبہ کیا ہے
