مجوزہ بلدیاتی قانون کیلئے بڑی تبدیلیوں کو حتمی شکل دینے کی تیاری

رائیونڈ(شمشاد علی بھٹی سے) پنجاب میں بلدیاتی انتخابات ، مجوزہ بلدیاتی قانون کیلئے بڑی تبدیلیوں کو حتمی شکل دینے کی تیاری ، ضلعی سطح پر قائم اتھارٹی کے چیئرمین ڈپٹی کمشنر کی جگہ عوامی نمائندے ہونگے ، مجوزہ بلدیاتی قانون میں خواتین اور اقلیتی نمائندوں کے براہ راست انتخاب کی تجویز دی گئی ہے ، ذرائع سے معلوم ہوا ہے کہ تجاویز بلدیاتی انتخابات کیلئے قائمہ کمیٹی برائے بلدیات کے اجلاس میں سامنے آئی ہے ، پنجاب اسمبلی میں منعقدہ اجلاس کی صدارت چیئرمین پیر اشرف رسول نے کی، بلدیاتی انتخاب میں حصہ لینے والے اقلیتی نمائندگان کا انتخاب براہ راست کیا جائے ، اجلاس میں چیئرمین قائمہ کمیٹی برائے اقلیتی امور فیلبوس کرسٹوفر نے تجویز پیش کی ، اقلیتی نمائندوں کے براہ راست انتخاب سے حقیقی قیادت سامنے آئے گی ، بلدیات کی قائمہ کمیٹی کے اجلاس میں تجویز کثرت رائے سے منظور کر لی گئی ، بلدیاتی انتخابات کے انعقاد کے لیے مجوزہ قانون قائمہ کمیٹی کو بھجوایا گیا تھا ، فیلبوس کرسٹوفر نے کہا کہ اقلیتی نمائندگان کے براہ راست انتخاب کیلئے اسمبلی میں اتفاق رائے ہے ، کمیٹی مجوزہ قانون سے متعلق آئندہ اجلاس میں حتمی رپورٹ منظوری کیلئے پیش کریگی ۔