”گاڑی میں پٹرول ڈلوانا ہے”تین نو عمر ڈاکوئوں نے خاتون کو لوٹ لیا

نارووال( کرائمز پوائنٹ ڈاٹ کام ) ”گاڑی میں پٹرول ڈلوانا ہے”تین نو عمر ڈاکوئوں نے مبینہ طور پر خاتون سے پانچ ہزار چھین لیے۔بتایا گیا ہے کہ تھانہ ظفروال کے علاقہ اموال کھوکھے رنگ روڈ پر ڈکیتی کی ایک مبینہ واردات کے دوران تین نوجوان ڈاکوئوں نے خاتون سے پانچ ہزار روپے چھین لیے اور موٹر سائیکل پر فرار ہونے کی کوشش کی لیکن اہل دیہہ نے پیچھا کر کے انکی کوشش کو ناکام بنا دیا اورانہیں پکڑ لیا۔ڈاکوئوں کا کہنا تھا کہ انہوں نے موٹر سائیکل میں پٹرول ڈلوانا تھا اس لیے واردات کی،اہل دیہہ نے ڈاکوئوں کی درگت بنانے کے بعد انہیں پولیس کے حوالے کر دیا۔