ٹوبہ ٹیک سنگھ:عوام کے تحفظ کے پیش نظر دفعہ 144 نافذ

ٹوبہ ٹیک سنگھ(محمد شبیر سے)ٹوبہ ٹیک سنگھ اہم پیغام برائے عوام الناس (ڈپٹی کمشنر محمد نعیم سندھو کی جانب سے)دریائے راوی اور نشیبی علاقوں میں سیلابی پانی اب بھی موجود ہے، جہاں بہاؤ نہایت تیز اور کھائیاں گہری ہیں۔ یہ صورتحال جان لیوا حادثات کا باعث بن سکتی ہے۔ عوام الناس سے پُرزور گزارش ہے کہ اپنی اور دوسروں کی جانوں کو محفوظ بنانے کے لیے ہر ممکن احتیاط کریں تمام شہریوں کے لیے ہدایات سیلابی پانی کے قریب جانے سے مکمل پرہیز کریں دریا یا کھائیاں عبور کرنے، نہانے یا تیرنے کی کوشش ہرگز نہ کریں بچوں کو خاص طور پر سیلابی پانی سے دور رکھیں کسی بھی ہنگامی صورتحال کی اطلاع فوری طور پر ضلعی انتظامیہ یا ریسکیو 1122 کو دیں مزید یہ کہ ان افراد کو سختی سے متنبہ کیا جاتا ہے جو سیلاب دیکھنے، تفریح یا سوشل میڈیا (ٹک ٹاک وغیرہ) بنانے کے لیے دریا کے کنارے آتے ہیں۔ یہ رویہ اپنی اور دوسروں کی زندگیوں کو خطرے میں ڈالنے کے مترادف ہے عوام کے تحفظ کے پیش نظر دفعہ 144 نافذ ہے اور اس کی خلاف ورزی کرنے والوں کے خلاف سخت قانونی کارروائی کی جائے گی اپنی حفاظت کو یقینی بنائیں، غیر ضروری خطرہ مول نہ لیں کیونکہ زندگی سب سے قیمتی ہے