حارث رﺅف مکمل فٹ ہوگئے،ویسٹ انڈیز سیریز کے لئے تیار

لاہور (آئی این پی) پاکستانی فاسٹ باﺅلر حارث رﺅف نے ہیمسٹرنگ انجری سے مکمل صحت یاب ہونے کے بعد باقاعدہ بولنگ کا آغاز کردیا ۔لاہور میں نیشنل کرکٹ اکیڈمی میں جاری اپنی تربیت کے دوران حارث رﺅف نے دس دن کے آرام کے بعد دوبارہ کرکٹ بال کو رن اپ سے روانہ کرنا شروع کر دیا ہے۔یاد رہے کہ امریکی میجر لیگ کرکٹ کے دوران ہونے والی اس انجری کی وجہ سے حارث رﺅف کو ٹورنامنٹ کے باقی میچز سے باہر ہونا پڑا تھا، جس کے بعد انہیں بنگلہ دیش کے خلاف ہوم سیریز سے بھی محروم رہنا پڑا۔ تاہم اب ان کی بحالی کی خبریں پاکستانی کرکٹ ٹیم کے لیے خوش آئند ہیں، خاص طور پر آنے والی ویسٹ انڈیز سیریز سے قبل۔حارث رﺅف کی واپسی سے پاکستانی بولنگ اٹیک کو تقویت ملے گی، جو حالیہ دور میں انجریوں کی وجہ سے مشکلات کا شکار رہا ہے۔ نیشنل کرکٹ اکیڈمی کے کوچز اور طبی عملے کی نگرانی میں ان کی بحالی کے مراحل کو احتیاط سے مکمل کیا جا رہا ہے تاکہ وہ مکمل فٹنس کے ساتھ ٹیم میں واپس آ سکیں۔کرکٹ حلقوں کا خیال ہے کہ اگر حارث رﺅف کی صحت یابی کا سلسلہ اسی طرح جاری رہا تو وہ جولائی میں ہونے والی ویسٹ انڈیز کے خلاف سیریز کے لیے پاکستانی ٹیم کا حصہ بن سکیں گے۔