مہنگی چینی فروخت کرنیوالے دکانداروں کیخلاف کارروائی،429گرفتار

لاہور (آئی این پی) پنجاب بھر میں مہنگے داموں چینی فروخت کرنیوالے دکانداروں کے خلاف کریک ڈاﺅن جاری ہے، گزشتہ 24گھنٹوں کے دوران 6ہزار 418 دکانداروں کے خلاف منافع خوری پر کارروائیاں کی گئیں۔سیکرٹری پرائس کنٹرول ڈاکٹر احسان بھٹہ کا کہنا ہے کہ پنجاب بھر میں 429افراد گرفتار، 78کے خلاف مقدمات درج کیے گئے، 5ہزار 911افراد کو جرمانے اور نوٹسز جاری کیے گئے۔لاہور ڈویژن میں 398گراں فروشوں کے خلاف کارروائیاں کی گئیں ،22افراد کے خلاف مقدمات درج ،8کو گرفتار کیا گیا۔ گوجرانوالہ ڈویژن میں1063، فیصل آباد ڈویژن میں 311دکانداروں کیخلاف چینی کے نرخوں کی خلاف ورزی پر کارروائیاں کی گئیں۔بہاولپور ڈویژن میں 370،ڈی جی خان 323، ملتان میں 198چینی گراں فروشوں کے خلاف کارروائیاں کی گئیں۔ سرگودھا ڈویژن میں 569، ساہیوال 49، راولپنڈی میں159دکانداروں کے خلاف مہنگے داموں چینی فروخت کرنے پر کارروائیاں کی گئیں۔