اکبر چوک پل سے موٹر سائیکل سوار میاں بیوی گر کر جاں بحق

لاہور( آئی این پی)فیصل ٹاﺅن اکبر چوک پل سے موٹر سائیکل سوار میاں بیوی گر کر جاں بحق ہو گئے۔بتایاگیا ہے کہ دلخراش حادثے میں 50سالہ عابدہ بانو موقع پر ہی دم توڑ گئیں جبکہ ان کے شوہر محمد افضل کو شدید زخمی حالت میں ہسپتال منتقل کیا گیا مگر وہ بھی جانبر نہ ہو سکے ۔پولیس کے مطابق حادثہ تیز رفتاری یا کسی گاڑی کی ٹکر کا نتیجہ ہے اس حوالے سے تحقیقات جاری ہیں ۔پولیس نے قانونی کارروائی مکمل کر کے لاشیں ورثا ءکے حوالے کر دیں ۔ ایدھی رضاکاروں نے لاشیں ایدھی ایمبولینسز کے ذریعے آبائی گھر سمن آباد منتقل کر دیں۔