شہریوں کی شکایات کے حل کے لئے کنٹرول روم قائم کیا گیا ہے :زینب طاہر

لاہور /رائےونڈ(آئی این پی ) اسسٹنٹ کمشنر رائےونڈ نے عیدکے موقع پر عوام کی سہولت اور تحفظ کے لئے کئے گئے خصوصی انتظامات کے حوالے سےمیڈیا سے گفتگو کرتے ہوئے کہا کہ انہوں نے بتایا کہ عید کے دوران علاقے میں امن و امان برقرار رکھنے اور شہریوں کو سہولت فراہم کرنے کے لئے جامع پلان ترتیب دیا گیا ہے۔اسسٹنٹ کمشنر نے اعلان کیا کہ عید کے دنوں میں صفائی کے خصوصی انتظامات کئے گئے ہیں۔ میونسپل سروسز کو ہدایت دی گئی ہے کہ وہ عید گاہوں، مساجد اور بازاروں کی صفائی کو یقینی بنائیں۔ اس کے علاوہ، عوام کی سہولت کے لئے پینے کے پانی اور دیگر بنیادی سہولیات کی فراہمی کو بھی یقینی بنایا گیا ہے۔انہوں نے مزید کہا کہ شہریوں کی شکایات اور مسائل کے فوری حل کے لئے ایک کنٹرول روم قائم کیا گیا ہے جو چوبیس گھنٹے فعال رہے گا۔ اس کے ساتھ ساتھ، عید کے دوران کسی بھی ہنگامی صورتحال سے نمٹنے کے لئے ریسکیو 1122 اور دیگر امدادی ادارے تیار ہیں۔اسسٹنٹ کمشنر نے عوام سے اپیل کی کہ وہ انتظامیہ کے ساتھ تعاون کریں اور کسی بھی مسئلے یا شکایت کی صورت میں فوری طور پر کنٹرول روم یا متعلقہ حکام کو اطلاع دیں۔ انہوں نے اس بات پر زور دیا کہ عوام کی شراکت سے ہی ہم عید کی خوشیوں کو مزید بڑھا سکتے ہیں۔ اسسٹنٹ کمشنر نے تمام شہریوں کو عید کی مبارکباد دی اور امید ظاہر کی کہ یہ عید خوشیوں اور امن کے ساتھ منائی جائے گی۔