ملزمان کے قبضہ سے 4کلو 700گرام چرس برآمد

گوجرانوالہ (9ستمبر 2025ء)سٹی پولیس آفیسرمحمد ایازسلیم نے ضلع بھر میں منشیات فروشوں کے خلاف سخت کاروائیاں کرنے کے احکامات جاری کر رکھے ہیں ۔انہی احکامات کے پیش نظرایس ڈی پی اونوشہرہ ورکاں عمران بیگ کی زیرنگرانی ایس ایچ اوتھانہ نوشہرہ ورکاں طاہرسجاد و دیگران پر مشتمل پولیس ٹیموں نے دوران گشت و ناکہ بندی اور تلاش بد رویہ گان اعلیٰ کارکردگی کا مظاہرہ کرتے ہوئےدومنشیات فروشوں کو گرفتارکرکے ملزمان کے قبضہ سے چار کلو سات سوگرام چرس برآمدکرلی ۔گرفتار ملزمان میں سلمان عرف شانی اور عصمت اللہ شامل ہیں ۔دوران تفتیش ملزمان نے انکشاف کیا کہ وہ دوسرے اضلاع سے منشیات لاتے اورضلع بھر میں فروخت کرتے تھے ۔ ملزمان سے مزید تفتیش جاری ہے ۔ سماجی و سیاسی تنظیموں اور علاقے کے مکینوں کا پولیس کو خراج تحسین۔ اس موقع پرسٹی پولیس آفیسر محمدایازسلیم نے کہا ہے کہ نوجوان نسل کے محفوظ مستقبل کیلئے منشیات فروشوں کے گرد گھیر ا تنگ کرنا ناگزیر ہے۔سی پی او نے اعلیٰ کارکردگی کا مظاہر ہ کرنے پر ایس ایچ اوتھانہ نوشہرہ ورکاں طاہر سجاداور انکی پولیس کی ٹیموں کو شاباش دی۔